成日話病人怪，公平D講句，醫生有時都好怪。
有個女師奶替假醫生寫千字文，話姑娘2對佢唔好。事緣係佢朝頭早返到黎，就話自己好肚餓想出去買早餐食。大佬，成廳嘅症等着你睇。請你返嚟唔係俾錢你坐喺度食早餐。姑娘話有餅同有奶俾佢頂住先，佢居然答我唔食餅架。
之後有啲排版上Documentation嘢想佢寫得清楚啲。佢又要講數唔多歡喜咁。其實咁樣都係幫你自保啫。出咗事，其實係會怪個醫生寫野寫得唔齊個喎～ 袋錢入你袋你都唔鍾意咁無辦法。
佢封千字文話我哋唔歡迎佢。但係下個月我攞假經理搵佢替，佢又肯繼續黎。咁係因為你出面冇人鍾意請你，所以焗住你要返嚟？定係你大人有大量，原諒我地？多L謝喔～
～～～
今日有啲開心，有個熟客返嚟多謝我。佢話好彩聽咗我講，去搵第二個婦科醫生傾下。咁樣就避免左做一啲唔需要做嘅手術。
佢亦都好驚訝咁話原來鴨嘴鉗(speculum)係有細Size。佢平時做婦科檢查都好痛同埋之後會下體流血。今次呢個婦科醫生好溫柔，同埋聽見佢話好怕痛，就攞咗隻細鉗出嚟俾佢。佢話做咗咁多次婦科檢查，從來無人同佢講過有細鉗。佢話今次唔痛同埋冇流血添～～
所以各位讀者，怕痛嘅你係可以提出要用細鉗！但係唔好因為怕痛而唔做定期嘅婦科檢查～～ 乖啦～～～
～～～
快閃左東京四日 😍😍😍🤤🤤🤤🤤
Search